الفيل_الازرق٢
فيلم الفيل الازرق بالنسبالى فيلم مميز اعجبت بالتجربة من اول ما شفتها فى الجزء الاول ولما بدأت اقرب من اقتصاديات السينما واغرمت بالتجربة الكورية اللى اغلب افلامها قريبة جدا من النوع ده من الافلام حبيت الفيلم اكتر وبقى دايما محور مقارناتى بتجارب اجنبية ناجحة
لما اتفرجت على الجزء التانى امبارح بقى كل التساؤل اللى بيدور فى دماغى بإمكانيات ضعيفة نسبيا زى دى وورق مش قوى ابدا وقصة مفيهاش جديد والمخرج قدر يطلع فيلم بالشكل الجيد ده امال لو عنده الامكانيات الصح ممكن يعمل ايه !
بالنسبة للاداء مش كله عجبنى بس مازال كريم عبد العزيز بطل بيسيب بصمة فى اى عمل بيشتغله و بالنسبة لخالد الصاوى فكفاية اوى مشهد واحد يطلعه على الشاشة بفيلم كامل لانه فنان بجد
لكن الحقيقة ان مروان حامد هو بطل العمل الحقيقى يليه المصور احمد المرسي والمونتير احمد حافظ اللى كانت بصمتهم واضحة ومميزة فى الفيلم
.......
لما اتفرجت على الجزء التانى امبارح بقى كل التساؤل اللى بيدور فى دماغى بإمكانيات ضعيفة نسبيا زى دى وورق مش قوى ابدا وقصة مفيهاش جديد والمخرج قدر يطلع فيلم بالشكل الجيد ده امال لو عنده الامكانيات الصح ممكن يعمل ايه !
بالنسبة للاداء مش كله عجبنى بس مازال كريم عبد العزيز بطل بيسيب بصمة فى اى عمل بيشتغله و بالنسبة لخالد الصاوى فكفاية اوى مشهد واحد يطلعه على الشاشة بفيلم كامل لانه فنان بجد
لكن الحقيقة ان مروان حامد هو بطل العمل الحقيقى يليه المصور احمد المرسي والمونتير احمد حافظ اللى كانت بصمتهم واضحة ومميزة فى الفيلم
.......
لما حد كان بيقول زمان احنا ايه وصلنا للافلام الاجنبى احنا عمرنا ما هنعرف نعمل زيها كنت بوافقه بس بعد الدراسة والقرب من تجارب اقتصادية تانية فى السينما بقى عندى يقين ان السينما عندنا متقلش ابدا عن السينما فى دول زى كوريا والمكسيك وغيرهم اللى بيقدروا يحققوا منها مليارات سنويا
يعنى مروان حامد افضل فنا واتقانا ورؤية بمراحل من Yeon Sang-ho اللى اخرج فيلمه الاول train to busan بميزانية متواضعة وحقق ١٠٠ مليون دولار لما اتعرض فى السينمات الامريكية !
الفرق ان هما بيعرفوا يسوقوا و احنا لاء احنا معندناش مشكلة لا فى المواهب ولا النوعية اللى ممكن تتقدم مع شوية مجهود وتشغيل دماغ ورغم انتاجنا منخفض التكلفة الضعيف لكن بقى عندنا ناس بتقدر تعمل افلام من النوعية اللى ممكن تحقق نجاح كبير لو اتسوقلها صح احنا مشكلتنا الحقيقة كلها فى قدرتنا ع التسويق احنا مبنعرفش نسوق لاى حاجة
ورغم كل اللى فوق برده احب اقول ان الجزء التانى مكنش على قدر توقعاتى ابدا لاسباب كتير منها
-النحت من مشاهد افلام رعب مش عيب وكل افلام الرعب بتاخد من بعض مشاهد بس بحدود وعامة بشوف اننا مش محتاجين ننحت مشاهد كده رغم انها منحوتة كويس لان ثقافتنا العربية مليانة خيال وتراث بيتكلم عن الرعب اعتقد لو حولنا الخيال والقصص دى لمشاهد على الشاشة هتبقى أكثر روعة وابهارا وهتبقى عليها بصمة مختلفة
- شراكة احمد مراد ومروان حامد وصلت لأخرها وده كان واضح من وقت فيلم تراب الماس، مفيش شراكة فنية بين مخرج وكاتب ينفع تستمر للابد فى سقف بتوصله وبعد كده بتاخد منحنى هبوط حتى شراكة اتنين من العظماء زى paul Schrader و martin scorsese انتهت بعد اربع افلام من اعظم افلام السينما .. واعتقد ان مروان كمخرج لسه عنده كتير اوى وافضل من كل ده يقدمه والتعاون مع اكتر من كاتب هيخليه يخرج كل اللى عنده
- مراد لازم يفكر جديا انه يكتفى بكتابة القصة وميكتبش سيناريوهات تانى مش عيب ان الكاتب يكتب القصة بس مش لازم يعنى مقرر يكتب السيناريو كمان
- الجزء التانى مكنش فيه جديد عن الجزء الاول اهتم المخرج فيه بالإبهار البصرى وده مش عيب ابدا من وجهة نظرى بالعكس تماما بس برده كان اهتمامه بالورق المفروض يبقى اكتر من كده لكنى مازلت بقول انى معجبة بالتجربة كمُجمل وهغمض عن العيوب فى سبيل اعجابى بالتجربة ككل
يعنى مروان حامد افضل فنا واتقانا ورؤية بمراحل من Yeon Sang-ho اللى اخرج فيلمه الاول train to busan بميزانية متواضعة وحقق ١٠٠ مليون دولار لما اتعرض فى السينمات الامريكية !
الفرق ان هما بيعرفوا يسوقوا و احنا لاء احنا معندناش مشكلة لا فى المواهب ولا النوعية اللى ممكن تتقدم مع شوية مجهود وتشغيل دماغ ورغم انتاجنا منخفض التكلفة الضعيف لكن بقى عندنا ناس بتقدر تعمل افلام من النوعية اللى ممكن تحقق نجاح كبير لو اتسوقلها صح احنا مشكلتنا الحقيقة كلها فى قدرتنا ع التسويق احنا مبنعرفش نسوق لاى حاجة
ورغم كل اللى فوق برده احب اقول ان الجزء التانى مكنش على قدر توقعاتى ابدا لاسباب كتير منها
-النحت من مشاهد افلام رعب مش عيب وكل افلام الرعب بتاخد من بعض مشاهد بس بحدود وعامة بشوف اننا مش محتاجين ننحت مشاهد كده رغم انها منحوتة كويس لان ثقافتنا العربية مليانة خيال وتراث بيتكلم عن الرعب اعتقد لو حولنا الخيال والقصص دى لمشاهد على الشاشة هتبقى أكثر روعة وابهارا وهتبقى عليها بصمة مختلفة
- شراكة احمد مراد ومروان حامد وصلت لأخرها وده كان واضح من وقت فيلم تراب الماس، مفيش شراكة فنية بين مخرج وكاتب ينفع تستمر للابد فى سقف بتوصله وبعد كده بتاخد منحنى هبوط حتى شراكة اتنين من العظماء زى paul Schrader و martin scorsese انتهت بعد اربع افلام من اعظم افلام السينما .. واعتقد ان مروان كمخرج لسه عنده كتير اوى وافضل من كل ده يقدمه والتعاون مع اكتر من كاتب هيخليه يخرج كل اللى عنده
- مراد لازم يفكر جديا انه يكتفى بكتابة القصة وميكتبش سيناريوهات تانى مش عيب ان الكاتب يكتب القصة بس مش لازم يعنى مقرر يكتب السيناريو كمان
- الجزء التانى مكنش فيه جديد عن الجزء الاول اهتم المخرج فيه بالإبهار البصرى وده مش عيب ابدا من وجهة نظرى بالعكس تماما بس برده كان اهتمامه بالورق المفروض يبقى اكتر من كده لكنى مازلت بقول انى معجبة بالتجربة كمُجمل وهغمض عن العيوب فى سبيل اعجابى بالتجربة ككل
" هكتب بالتفصيل فى مقال عن التجربة الكورية وتحليلها اقتصاديا مع اوجه التشابه مع افلام من نوعية الفيل الازرق "
#الفيل_الازرق٢
#الفيل_الازرق٢
Comments
Post a Comment