الفيل الأزرق

الدي إم تي ,فانتازيا,رحله رجل الأعمال ,او حبايه الفيل الأزرق

الفيل الأزرق كما لم تصوره لنا شاشات السينما فهو رحله رجل الأعمال_كما يطلق عليه_إلى الهاويه !!

الدي إم تي ده مستخلص طبي تكوينه الكيميائي مشابه تماما (للسوماتريبتان ) زي الأميجران اللي بيستخدم في علاج الصداع النصفي ،بس غير انتقائي بمعنى انه مش بيستهدف خليه او عضو معين في الجسم وبيمشي في الدم وبينتشر في كافه خلايا الجسم

ليه أسماء كتيره فشخ ولما دورت عنه في اي تكوين كيميائي ليه او حتى تكوين مشابه ملقتش و كانت دي اول الغرائب لأنه اسمه
businessman’s special, اوbusinessman’s trip
ومن الأسم عرفت انه بيتباع سوق سودا اون لاين من الضيب ويب ومش اي حد يعرف يجيبه وغالي جدا وهو يعتبر اقوى مخدر نفسي بيتشرب بالبايب تأثيره بيبدأ من ٣ ل ٥ دقايق

بيسب هلاوس سمعيه وبصريه قاسيه جدا جدا ووتغير في مسافه رؤيه الاشياء الحاجات القريبه بتبقا بعيده فشخ بتفقد الزمن والرؤيه وبعض اللي بيحربوها بيسموها (زياره العالم الموازي) او تجربه تغيير الحياه عامه وبيسموه بردو رحله رجل الاعمال لزياره الجان DMT او بيسموها اله تصنييع الجان من الليي بيشوفوه(elves machine)

خلينا في المهم DMT بيعمل إيه بالضبط عايز اخليكم تعيشوا التجربه

الفيل الأزرق بيمر ب٣مراحل منهم مرحلتين كل اللي جربوه اتفقوا عليهم والتالته كل واحد بيخوض تجربه في عالم بيختلف من شخص للتاني

المرحله الأولى

بتظهر من النفس الرابع او الخامس من البايب من قوه تأثيره بتبدأ تسمع صوت خبط او صرخه جايه من بعيد بتزيد تزيد تزيد لحد ماتطغى على كيانك كله لانك بتحس الصوت جاي من جواك الصوت مقارب لصوت التلفزيون لما البث كان بيقطع زمان فجأه الرؤيه بتتلاشى الكنبه اللي قدامك شكلها باهت الوان الديكور بتبقا متداخله فجأه هيغمى عليك وهتخش المرحله التانيه

المرحله التانيه
على حسب تداخل اللألوان في الديكور اللي انتا شايفه حواليك بتبدأ فجأه تتحول لحاجه بنسميها ( geometrical patterns) انماط هندسيه زي اللي في الصورتين دول تخيل حضرتك واقف والاشكال دي بتدور
حواليك وراك وقدامك وتحت رجليك وفوقك وانتا بتدخل فيها الى مالانهايه

المرحله التالته الاخطر والاعنف واللي انا بسميها ( رحله رجل الاعمال الى الهاويه )
فجأه كل ده بيختفي وتدخل المرحله التالته تخيل دوران الاشكال دي بالابعاد بتاعتها بتختفي وفجأه بتتواصل مع جان الفيل الأزرق والجان ده غالبا بيبقا انتا !!
مش زي ماصور الفيلم كريم عبد العزيز بيشوف ناس وكده لأ تأثير الDMT بيخليك تشوف نفسك بس شخص تاني مش شبهك وبيتخيل لبعض الناس شخص تاني اوكائن غريب بس انتا في مكان مظلم وناس وصفت انه مليان مريات تخيل نفسك بتتكلمه ومش سامع غير صدى صوتك بيتكرر مره واتنين وصدى الصوت بيبعد اكتر و اكتر تخيل شايف نفسك بس عنيك حدقتها واسعه او بتتحرق مثلا او الشخص اللي قدامك بيزعقلك بلغه تانيه جديده

النهايه

انا ليه سميت المرحله التالته برحله رجل الاعمال الى الهاويه لأن في الغالب هنا النهايه مختلفه لأنك بعد مابتفوق بتحلم كل يوم بنفس الشخص اللي شفته ونفس المكان وبيزعق وبيكلم بنفس اللهجه الغريبه طيب تخيل كده انك فقت من تأثيره وفعلا شفت اصحابك من تاني واتكلمت معاهم تاني وروحت البيت وانتا لسه مكانك في حاله اغماء ومتحركتش !!
والغريب ان ده القرص الوحيد اللي ممكن لو اخدت منه قرص او كام نفس هتعيش طول عمرك مش عارف الواقع من الخيال وهتنتحر لأن دي الحقيقه الوحيده اللي قدامك !!

المصادر
1-https://www.ncbi.nlm.nih.gov/pmc/articles/PMC3028383/
2-https://www.medicalnewstoday.com/articles/306889.php
3-https://www.therecoveryvillage.com/dmt-addiction/#gref
4-https://addictionresource.com/…/how-long-dmt-stay-in-your-…/